( 61 )
मोर गाँव के गोरी तैं ....
तोला अब्बड़ मया करथंव,
दिन-रात रानी तोर, सपना ला
मैं हँ देखत रहिथँव...!
( 62 )
अरे शहर भीतर म घुमाहूँ तोला
अउ मन के बात बताहूँ तोला ,
अगोर लेबे अवईय्या अक्ती ल
उही सीजन म अपन बनाहूँ तोला !
( 63 )
बजार के पताल कस
गाल तोरे लाल-लाल
रंग-बिरंगी बदन तोर
बताना तोर हाल- चाल
( 64 )
गोरी "आई ल बीयू" कहे बर
तोला काबर अतेक सरम लगथे ,
एक बार कहिके तो देख
पता चलही कतेक मीठ परेम लगथे !
( 65 )
कईसे तोला बतांव गोरी
मया का चीज होथे,
जेला नई होवय वो ह
जिनगी भर रोथे...!
( 66 )
बस-बस होगे अउ कतक खवाबे मया के लाडू
मया के दुसमन ये दुनिया ला
घिच के लगादे झाड़ू ...!
( 67 )
स्वीट-स्वीट तोर गोठ गोरी
दिल ल "झटका" देथे ओ,
मया के बीच मजधार म
मोला "अटका" देथे ओ !
( 68 )
खे-खे,खे-खे झन हांस गोरी
दांत-कान ह निकल जाही ओ ,
तब, तोर चेहरा के देखईय्या ल
अब्बड़ मजा आही ओ !
( 69 )
साढ़े चार बजे आबे अमरईय्या म
मोर छुट्टी चार बजे होथे ओ ,
तोर-मोर जोड़ी रानी
"सीता-राम" कस जचथे ओ !
( 70 )
बिहा म नाचत हे टुरी
हाई साउंड के बाजा मा
जइसे कोई नाचे नहीं
"छालीवुड" के नाचा मा !
( 71 )
जंगल के भीतर टुरी
बघवा के डेरा ओ
आजा समा-जा छाती म
खुल्ला हे बईहाँ के घेरा ओ !
( 72 )
झुलना मा बईठ के टुरी
मया के गाना गावय जी
अन्ते-तन्ते गावत रईथे
सारे गामा नई आवय जी !
( 73 )
सुनतहस किनी मोर दिल के धड़कन ल
कईसे धडकत हे हाई बीट म
मोर मयारू मोर पिरोही
तैं बईठे हावस करेजा वाले सीट म
( 74 )
मोला कछु झन देबे मया के चिन्हारी
तोर मया मोर बर अमृत के पानी हे,
अउ तोर मया बिना ये मोर रानी
"अलकरहा" मोर जवानी हे !
( 75 )
कभू चटकन उबाहूँ त
मुस्कुरा के गोठिया देबे ,
भुला जाहँव रिस-पित ल
मया के गोठ गोठिया देबे !
( 76 )
सरसों के बारी मा
पिउंरी पिउंरी रंग बरसे जी ,
एक मिनट के विरहा म टूरा
टुरी ल मिले बर तरसे जी !
( 77 )
का मतलब असने तोर मया के
जेन दू बांटा म बँटाये हस ,
एक ले पीछा छुटे त
दुसर म जाके संटाये हस !
( 78 )
मोर घर-कुरिया के बन जा देखईय्या
अउ एक घांव बोलदे सईंया,
तोर इही गोठ ल सुने बर
कई जनम ले तरसत हंव गुईयां !
( 79 )
कनिहा ल हला के नाचय टुरी
माइकल जेक्सन घलो फेल हो जाही जी ,
एक घांव देख लेबे डांस ला एकर
त मन म मया के फुटू फुट जाही जी !
( 80 )
का मोहिनी हे तोर रूप म रानी
नयना बेकाबू हो जाथे ओ
घेरी-बेरी देखेबर तोला
तोर तीर-तीर म आथे ओ !
bahut badiya yr
ReplyDeleteNice iska apps bhi h kya
ReplyDeleteBadiya he ji
ReplyDeleteNice lekin kahut chota chota hai
ReplyDeleteVERY NICE
ReplyDeleteसुपर का शायरी हे यार
ReplyDeleteMastt masttt he shaayri man ha. Dil khush kar dis. Thank you
ReplyDeleteAti shugghar he tunhar sayri ha
ReplyDeletemaja aage ji
ReplyDeleteBhaiya ji or likhiyega bhut accha hai love you
ReplyDeleteJordar sangwari
ReplyDeleteBAHUT JORDAR SANWARI
ReplyDeleteNice bro
ReplyDeletebahut hi shandar kahniya likhi hai aapne mujhe aapki kahaniya padkar ke achha laga
ReplyDeletemarathi happy diwali
marathi 10th marathi rasgrahan pdf
happy marry christmas dayfrohe Weihnachten